L’Inferno Della Poesia Napoletana di Aldo Giuffrè

Tra le poesie possiamo ascoltare:
Concerto d’estate

‘A meglio e tutte ‘e musiche
è quanno int’ ‘a staggione
sguarrata a taglio ‘e càntero
‘nu cu.o canta e sona.

Campagnola

‘Mmiezo ‘a campagna Maddalena caca
e cu ‘na fronna se pulezza ‘o mazzo
Aitane ‘o parulano… ‘a guarda… arrizza…
e cu ‘na mano s’accarezza ‘o ca..o!

Raffaele Petra Marchese di Caccavone – ‘A cunfessione ‘e Taniello

Taniello ch’ave scrupole
mo’ se vo’ ‘nzurà
piglia e da Fra Liborio
va pe’ se cunfessà

“Patre (le dice), jie roseco,
e pe’ nniente me ‘mpesto;
ma po’ dico ‘o Rusario…
e chello va pe’ cchesto.

Patre, ‘ncuollo a li ffemmene
campo e ‘ncoppa a ‘o burdello
me sento messe e predeche…
e chesto va pe’ cchello.

Iastemmo, arrobbo… ‘O prossimo
spoglio e le dongo ‘o riesto;
ma po’ faccio ‘a lemmosena…
e chello va pe’ cchesto.

E mo’, Patre, sentitela
st’urdema cannunata:
‘A sora vostra, Briggeda,
me l’aggio ‘nsapunata…”

S’avota Fra Liborio:
“Guagliò, tu si’ Taniello?
Jie me ‘nsapono ‘a mammeta…
e chesto va pe’ cchello!”